Шайх Мустафо Исмоил Қуръон тиловати борасида дунёни ҳайратга солган машҳур мисрлик қориларнинг етакчиларидан саналади. У киши 1905 йил 7 июнда Мисрнинг ғарбий вилоятларидан бирида таваллуд топган.
Мустафо Исмоил ўн икки ёшлигида Қуръони Каримни тўлиқ ёд олди.
Қуръони Каримни тажвиди ва тиловатини мукаммал ўрганиб, ўн олти ёшлигидаёқ ўнта қироат бўйича ижозани қўлга киритди.
шайх Қуръон тиловатида қўлланадиган мақомот илмини ҳам чуқур эгаллади ва ундан Қуръон тиловатида ўта моҳирлик билан фойдалана олди. У мақомот борасида бошқаларникидан фарқ қиладиган, янгича, ажойиб услубга асос солди. Бу эса уни Қуръон тиловатида ўзига хос мактаб асосчисига айлантирди.
У ёқимли овози орқали тиловат асносида қироат, тажвид, тафсир ва мақомот илмлари орасини шу даражада умумлаштира олганки, бу жиҳатдан унга тенг келадиган кишини топиш мушкул.
Мустафо Исмоилнинг 1300 дан ортиқ тиловати аудиотасмаларга ёзиб олинган. Унга мансуб Қуръони Каримнинг тўлиқ тиловати ҳам шулар жумласидандир.
Мустафо Исмоил 1978 йил 22 декабрь жума куни вафот этдилар. Аллоҳ у зотни ўз раҳматига олсин.
MP3
114 
0
18 Январь 2019 
5546